Astanalyq polıtseıler úsh jyldamdyqty velosıpedpen júredi
ASTANA. QazAqparat - Elordalyq polıtseıler jedel áreket etýge qabiletti. 1 shildeden bastap tártip saqshylary velosıpedke otyrdy. Ázirge, olardyń sany altaý, biraq patrýldeýdiń bul túri ózin-ózi aqtasa, velosıpedter sany ulǵaıtylyp, jaz maýsymynda resmı túrde qoldanylatyn bolady, dep habarlady astana.gov.kz saıty.
«Elorda turǵyndary men qonaqtarynyń tynyshtyǵyn saqtaý úshin quqyq buzýshylyq áreketterin boldyrmaý jáne jolyn qııý maqsatynda saıabaqtar men parkterde qoldanylady. Bul óte qolaıly ári tıimdi. Onyń ústine salaýatty ómir saltyn qalyptastyrady». Astana qalasynyń ІІD jol-patrýldik polıtsııa polkiniń komandıri Arman Aıtmaǵambetov,
Úsh jyldamdyqpen júretin velosıpedter Reseıden ákelindi jáne GPS-navıgatorlarmen jabdyqtalǵan Polıtsııa qyzmetkerleri úshin jeńil forma tigildi, endi olar bastaryna burynǵy fýrajkanyń ornyna kepı kıedi. Jedel áreket etý úshin de qajettiniń bári bar. Velosıpedke mingen saqshylar kólik óte almaıtyn saıabaq aımaqtaryn aralaıdy.
