Astanalyq polıtseıler táýlik ishinde 100-ge jýyq qylmystyń betin ashty

NUR-SULTAN. QazAqparat – Elorda polıtseıleri bir kúnniń ishinde 99 qylmystyń betin ashty. Bul týraly Nur-Sultan qalasy Polıtsııa departamentiniń resmı ókili Danııar Oralov málim etti, dep habarlaıdy QazAqparat tilshisi.

«Ótken apta ishinde elorda aýmaǵynda 137 qylmys tirkeldi. Onyń 99-y izin sýytpaı táýlik ishinde ashyldy. Atap aıtqanda, 1 adam ólimi faktisi, 3 densaýlyqqa aýyr zııan keltirý, 16 alaıaqtyq is jáne 1 urlyq jasaý. Sondaı-aq, 29 ózgeniń menshigin qoldy etý jáne 21 esirtki qylmysymen baılanys», - dedi Danııar Oralov baspasóz máslıhatynda.

Departament ókiliniń aıtýynsha, apta ishinde turǵyndardan 102 jelisine 12 myńnan astam qońyraý kelip túsken.

«Sonymen qatar ótken aptada 592 jol-kólik oqıǵasy tirkeldi. Saldarynan 13 zardap shegip, 1 adam kóz jumdy», - deıdi ol.

Osy oraıda Polıtsııa departamenti astanalyqtardy jolda abaı bolýǵa shaqyrady.