Astanalyq polıtseıler «Prezıdenttik mıl» jarysyna qatysty

ASTANA. QazAqparat - 200-den astam elordalyq polıtsııa qyzmetkeri Tuńǵysh Prezıdent kúnine arnalǵan «Prezıdenttik mılıa» dástúrli kópshilik júgirý jarysyna qatysty, dep habarlady Astana qalasy ishki ister departamentiniń baspasóz qyzmeti.

Jarys «Qazaq Eli» monýmentinen bastaý aldy. Astana qalasy Іshki ister departamentiniń bastyǵy polıtsııa general-maıory Amantaı Áýbákirovtyń bastamasymen ІІD barlyq bólinisteriniń polıtsııa qyzmetkerleri sporttyq kıim úlgisinde 2400 metr qashyqtyqqa eseptelgen qala kóshelerinde júgirip ótti.

Jarys sońy «Qazaq eli» monýmentinde aıaqtaldy. «Prezıdenttik mıl» júgirý jarysynyń qatysýshylarynyń aıtýynsha, jyldan-jylǵa atalmysh sharaǵa qatysýǵa nıet bildiretin polıtseılerdiń qatary kóbeıip otyr. Bul shara elordalyq polıtsııa qyzmetkerleriniń dene sergektigi daıyndyqtarynyń joǵary deńgeıde ekendigin baıqatty.

Onyń uıymdastyrýshylary sharaǵa merekelik reń beretin áýendi oınatsa, polıtsııa qyzmetkerleri men olardyń otbasy múshelerinen quralǵan qoldaýshylar saıysqa túsken saqshylardy jarystyń basynan aıaǵyna deıin demep otyrdy.

Qyzý doda máresine jetisimen, saqshylar Tuńǵysh Prezıdent kúnimen quttyqtap, barlyǵyna kóterińki kóńil-kúı syılady.

Astanalyq Іshki ister departamentiniń bastyǵy polıtsııa general-maıory A. Áýbákirov atap ótkendeı: «Memlekettik mereke qarsańynda polıtsııa qyzmetkerleri, ádetegideı, jappaı sport sharalaryn ótkizedi. Bul mereke - erekshe. Tuńǵysh Memleket basshysynyń esimi elimizdiń qýatty el bolyp qalyptasýymen tyǵyz baılanysty. Onyń salıqaly saıasatynyń arqasynda ekonomıkalyq júıe men áleýmettik jańartý jaqsara túsip, halyqtyń ál-aýqaty ońaldy».

Tuńǵysh Prezıdent kúni memlekettik merekesin toılaý táýelsiz elimizdegi birliktiń artýyna, Memleket basshysynyń Joldaýynda aıqyndalǵan maqsattar men murattarǵa jetýge, patrıottyq sezimdi kúsheıtýge septigin tıgizedi.

Sporttyq shara sońynda polıtsııa qyzmetkerleri úsh márte «Ýra!» degen uranmen barshany jurtshylyqty Tuńǵysh Prezıdent kúnimen quttyqtady.