Astanalyq polıtseıler meıramhanalar aldynda kezekshilik jasaıdy
NUR-SULTAN. QazAqparat - Elorda polıtsııasy buzaqylyq jıi bolatyn kóńil kóterý oryndary mańynda kezekshilik atqara bastady. Bul týraly búgin Nur-Sultan qalalyq jergilikti polıtsııa qyzmeti basqarmasynyń bastyǵy Tahır Ábdirahmanov aıtty, dep habarlaıdy QazAqparat tilshisi.
«Biz kóńil kóterý oryndary, naqty aıtqanda azamattardan habarlama kóp túsken meıramhana men dámhanalardyń mańynda polıtsııa kezekshiligin qoıa bastadyq. Bul eshqandaı tekserý emes. Polıtsııa qyzmetkerlerine qyzmettik kıimmen kóńil kóterý ornynan kirip shyǵýǵa nusqaýlyq berdik. Bul adamdardyń polıtsııa qyzmetkerleriniń bar ekendigin kórýi úshin jasalady jáne eshkim qoǵamdyq tártipti buzbaýy tıis», - dedi ol Nur-Sultan qalalyq kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl keńesiniń otyrysynda.
Buǵan deıin habarlaǵanymyzdaı, elordada túngi saǵat 1-den tańǵy 6-ǵa deıingi aralyqta. «Hıty HH - veka», «Ystanbul», «Qazaqsha dıskoteka», «Shymkent», «Charlı Chaplın», «Pýnkt P», «Zoloto», «EscoBar» syndy kóńil kóterý oryndarynda qylmys jıi oryn alady.
