Astanalyq polıtseıler mektep oqýshylarymen kezdesti
ASTANA. Qyrkúıektiń 1-i. QazAqparat - Qyrkúıektiń 1-i - Bilim kúnine oraı Astana qalalyq Іshki ister departamentiniń ujymy qalalyq №56 mekteptiń 2010-2011 jylǵy túlekterimen kezdesti, dep habarlaıdy atalmysh vedomstvonyń baspasóz qyzmetinen Áıgerim Muqanova.
Kezdesý barysynda Astana qalalyq ishki ister departamenti Ardagerler keńesiniń tóraǵasy Esim Tanabergenov mektep túlekterin, pedagogıkalyq ujymdy bıylǵy jańa oqý jylymen jáne Qazaqstan Respýblıkasy Konstıtýtsııasynyń 15 jyldyq mereıtoıymen quttyqtady. Konstıtýtsııanyń adam ómirindegi mańyzyn erteńgi belgili bir kásiptiń maman ıelerine túsindire otyryp: «Elbasymyz N.Nazarbaevtyń «Táýelsiz Qazaqstannyń jastary, naq sender eldiń eń bastyǵy baılyǵy bolyp tabylatyndaryńdy jáne bizdiń Otanymyz - Qazaqstan Respýblıkasynyń bolashaǵy senderge baılanysty ekenin este ustańdar!» - degen sózi jastarǵa senimmen qosa úlken mindetter júkteıdi. «Óıtkeni elimizdiń erteńi sizderdiń, búgingi jastardyń qolynda. Bolashaq jastardyń qolynda desek, erteńgi keleshegimizdi zamanymyzdyń qazirgi talabyna saı ǵylym men tehnıkany jetik meńgergen jastar basqaratyn aıdan anyq» - dedi ol. Sondaı-aq Esim Káribaıuly oqýshylardyń túrli saýaldaryna jaýap berdi.
Kezdesýdi qorytyndylaǵan mektep dırektory Jumaǵazy Álpishov Astana qalalyq Іshki ister departamentiniń basshylyǵyna aǵa býynnyń búgingi jastardyń tárbıeleýge atsalysqandary úshin alǵysyn bildirdi.
