Astanalyq polıtseıler Qazaqstan halqy tilderiniń XIII festıvali aıasynda óleń-jyrlar oqyp, án men kúıden shashý shashty
ASTANA. 14 qyrkúıek. QazAqparat - Qazaqstan halqy tilderiniń XIII festıvali aıasynda Astana qalasy Almaty aýdanynyń Іshki ister basqarmasynda (ІІB) «Tilge qurmet-elge qurmet» atty ádebı-mýzykalyq kesh ótti.
Qalalyq ІІD-niń Memlekettik til jáne aqparat bólimi taratqan aqparatqa súıensek, keshke Almaty aýdandyq ІІB-nyń basshylyǵy men jeke quramy belsene qatysyp, memlekettik til - qazaq tilin damytýǵa qatysty oı-pikirlerin ortaǵa saldy.
Polıtsııa qyzmetkerleri elordamyz Astana qalasynda qoǵamdyq tártipti qamtamasyz etip qana qoımaıtynyn, sonymen qatar qoldaryna qazaqtyń qasıetti qara dombyrasyn ustap, án salyp, kúı tartýmen shuǵyldanatyndaryn da kórsetip baqty.
Kadr bóliminiń ınspektory polıtsııa aǵa leıtenanty E.Aıtpaev, memlekettik tildi damytý tobynyń ınspektory Á.Janpeıisova, qazaq tiliniń oqytýshylary Q.Muqanov, B.Shábikenovalar «Til qudyreti» atty sahnalyq kórinis kórsetip, kórermenderdiń kóńilinen shyǵa bildi. Buǵan qosa tártip saqshylary týǵan jer, Otan, til týraly óleń-jyrlaryn tartý etti.
