Astanalyq polıtseıler qalada shyrshalardyń zańsyz satylýyn baqylaýdy kúsheıtedi
ASTANA. QazAqparat - Jańa jyl qarsańynda elordalyq polıtseıler qylqan japyraqty aǵashtardyń satylýyna baqylaýdy kúsheıtedi, dep habarlady Іshki ister departamentinen.
«Shyrsha-2014» jedel aldyn alý is-sharasy aıasynda polıtsııa qyzmetkerleri ormandy qorǵaý organdarymen birlese otyryp Astananyń aınalasyndaǵy jasyl beldeýde qylqan japyraqty aǵashtardy zańsyz kesý, sonymen qatar olardy bazarlarda jáne basqa jerlerde bólshek saýdaǵa shyǵarý jaǵdaılarynyń jolyn kespek, dep habarlaıdy elorda ákimdiginiń baspasóz qyzmetinen. Tabıǵatty qorǵaý, jol-patrýl polıtsııalary qyzmetkerlerinen jáne ýchaskelik polıtsııa ınspektorlarynan quralǵan mobıldi toptar táýlik boıǵy rejımde reıd sharalaryn ótkizedi. Sonymen qatar «Aralyq» júıesiniń beketterinde jáne joldarda jol-patrýldik polıtsııa narıadtary jas qylqan japyraqty aǵashtardy tasymaldaý men ótkizýdiń zańdylyǵyn baqylaýdy kúsheıtti. Ruqsat qujattarynsyz shyrshalardy tasymaldaý nemese ótkizý faktileri boıynsha tekserý jumystary júrgiziledi. Munymen qosa, polıtseıler elordada ornatylǵan shyrshalardy kúzetedi. «Shyrsha-2014» jedel aldyn alý sharasy 31 jeltoqsanǵa deıin jalǵasady.
