Astanalyq polıtseıler esirtkimen kúreske erekshe kóńil bóledi
ASTANA. 22 tamyz. QazAqparat - Astana qalalyq ІІD Esirtki bıznesine qarsy kúres basqarmasynyń qyzmetkerleri esirtki qylmystarynyń aldyn alý, esirtki taratýshylardy ustaý, elorda aýmaǵyna esirtki engizý joldaryn anyqtaý men olarǵa tosqaýyl qoıýǵa erekshe kóńil bóledi.
Vedomstvo baspasóz qyzmetiniń habarlaýynsha, 2011 jyldyń basynan bastap 166 qylmystyq is qozǵalyp, onyń 82-si Astana qalasynyń aýmaǵynda esirtki zattaryn ótkizýmen aınalysatyn tulǵalarǵa qatysty qozǵalǵan.
Polıtsııa qyzmetkerleri 20 esirtki satatyn oryndy anyqtady, onyń 2-eýi joıylyp, «jetkizýdi baqylaý» ádisi boıynsha bir arnaıy operatsııa júrgizildi.
Esirtkiniń zańsyz aınalymynan 225 keliden asa esirtki zattary alyndy, onyń ishinde 5 keliden asa «geroın» tárkilendi.
Qala aýmaǵynda QR ÁQBK-niń 320-baby boıynsha ákimshilik quqyq buzýshylyq jasaǵan 195 adam anyqtaldy. 2011 jyldyń esep berý kezeńinde QR ÁQBK-niń 320-baby boıynsha zańnamaǵa ózgerister engizilýimen baılanysty 80 adam tutqyndalyp (659 táýlik merzimine), 37 adamǵa 479 myń 304 teńge somasynda aıyppul salyndy.
«Astana - esirtkisiz qala» óńirlik baǵdarlamasyn oryndaý boıynsha jáne «2009-2011 jyldarǵa arnalǵan Qazaqstan Respýblıkasynyń esirtki bıznesimen jáne nashaqorlyqpen kúres baǵdarlamasyna» sáıkes elordalyq ІІD-niń qyzmetkerleri Salaýatty ómir saltyn qalyptastyrý ortalyǵynyń ókilderimen, Astana qalalyq «Nur Otan» HDP fılıalynyń belsendilerimen jáne Astana qalasynyń jastar saıasatyn qoldaıtyn memlekettik qorymen birge 19 tamyz kúni elorda aýmaǵyndaǵy jedel jaǵdaıdy ońaltý, qoǵamdyq tártipti qamtamasyz etý, balalardyń qaraýsyzdyǵynyń aldyn alý, «qoǵamdyq oryndarda temeki shekpeý» zańnamasyn buzý faktilerin anyqtaý boıynsha, sonymen qatar, qalanyń kóńil kóteretin oryndarynda psıhotroptyq jáne esirtki zattaryn taratý men qoldaný, jastardyń bos ýaqyttary ótetin oryndarda esirtki zattaryn taratýshy tulǵalardy anyqtaý maqsatynda reıdtik -profılaktıkalyq is-sharalar ótkizildi.
Reıd barysynda elordalyq demalys oryndarynyń ákimshiligi men onda qyzmet kórsetetin tulǵalarǵa Qazaqstan Respýblıkasy zańnamasyna ózgerister engizilip, esirtki qylmystary úshin qylmystyq jáne ákimshilik jaýapkershilikterdiń qatańdatylǵany jóninde túsindirilip, profılaktıkalyq áńgimeler júrgizildi.
Máselen, jedel-aldyn alý is-sharasyn ótkizý kezinde dámhana ǵımaratynda 1992 jyly týǵan elorda turǵyny, kolledjdiń 3 kýrs stýdenti, «T» esimdi azamattan salmaǵy 5 gramm «marıhýana» tabyldy jáne 1980 jyly týǵan, Qaraǵandy qalasynyń turǵyny, buryn birneshe ret sottalǵan «ıA» esimdi azamattan salmaǵy 30 gramm «gashısh» tárkilenip, ekeýi de qamaýǵa alyndy.
