Astanalyq polıtseıler bóten bireýdiń kóliginen 1 mıllıon 300 myń teńge urlamaq bolǵan eki jigitti qylmys ústinde qolǵa túsirdi
ASTANA. Shildeniń 13-i. QazAqparat /Aıdar Ospanalıev/ - Astana qalasynyń krımınaldyq polıtsııa qyzmetkerleri Jol polıtsııasy ókilderimen birlese otyryp, bóten bireýdiń «Toıota Prado» kóliginen 1 mıllıon 300 myń teńge kólemindegi qarjy urlap jatqan jerinen eki jas jigitti qolǵa túsirdi.
Іshki ister departamentiniń Memlekettik til jáne aqparat bóliminiń bastyǵyn Nurdildá Orazdyń sózine qaraǵanda, urylar osy árekettiń aldynda ǵana elordadaǵy Kúmisbekova kóshesinde jasaǵan osy tektes áreketinen soń polıtsııa qyzmetkerleriniń nazaryna ilikken. Qolǵa túsken azamattar 22 jáne 24 jasar Qaraǵandy oblysynyń týmalary bolyp shyqty. Olar osyndaı áreketteri úshin buryn da birneshe ret Qaraǵandy oblysynyń tártip saqshylarynyń nazaryna ilikken. «Qazirgi tańda ustalǵan azamattardyń eldegi ózge de qylmystarǵa qatystylyǵy tekserilýde. Buǵan qosa osy topqa qatysy bar taǵy birneshe adam anyqtalyp, osy ýaqytta olardy ustaý boıynsha jedel-saýyqtyrý sharasy júrgizilýde», dedi N.Oraz.
