Astanalyq pnevmatıkalyq qarýmen «Olımpti» tonamaq boldy
ASTANA. QazAqparat - Elordalyq pnevmatıkalyq qarýmen býkmekerlik keńseni tonamaq boldy, dep habarlaıdy QazAqparat tilshisi Astana qalalyq sotyna silteme jasap.
Vedomstvonyń málimetinshe, Esil aýdandyq №2 sotynda «Olımp» býkmekerlik keńsesine jaramsyz tapanshamen qaraqshylyq shabýyl jasaǵan azamatqa qatysty qylmystyq isti qaraǵan.
Azamat A. gaz ballonymen oqtalmaǵan pnevmatıkalyq tapanshamen kassırdi qorqytyp, odan kassadaǵy aqshany berýdi talap etken jáne esigin syndyrmaq ta bolǵan. Osy ýaqytta kassır kúzet qyzmetin shaqyryp, azamat A oılaǵan maqsatyn júzege asyra almaǵan.
Sot úkimimen onyń bas bostandyǵy 5 jylǵa shekteldi. Sottalýshynyń ústinen probatsııalyq baqylaý belgilenip, úkim zańdy kúshine engen.
