Astanalyq «Plasıdo Domıngo operalııasynyń» juldyzdary Majarstanda óner kórsetti
ASTANA. QazAqparat - 2017 jylǵy 2 qyrkúıekte Qazaqstan Respýblıkasynyń elshisi Nurbah Rústemovtiń qoldaýymen Der qalasynda «Voices 2017» 5-shi kontserti bolyp ótti, oǵan astanalyq «Plasıdo Domıngo operalııasynyń» jeńimpazdary qatysty, dep habarlady QR Majarstandaǵy elshiligi.
Іs-sharanyń ashylý saltanatynda Der qalasynyń meri Jolt Borkaı dúnıejúzilik mýzyka mádenıetin damytýdaǵy Qazaqstannyń aıryqsha úlesin atap ótti.
«EKSPO-2017» halyqaralyq kórmesiniń mádenı oıyn-saýyq baǵdarlamasynyń aıasynda joǵary deńgeıde ótkizilgen «Plasıdo Domıngo operalııasy» álemdik opera sahnasynyń bolashaq juldyzdaryn tanystyrýǵa múmkindik berdi. Óz kezeginde, operany joǵary baǵalaıtyn majarlyqtar «Astana Opera» opera mýzykasy teatryn álemdegi úzdik operalardyń biri dep atady.
«Plasıdo Domıngo» operalııasynyń juldyzdary Der qalasynyń turǵyndaryna Astananyń rýhy men ónerin pash etip, Qazaqstan men Majarstan arasyndaǵy shyǵarmashylyq jáne mádenı baılanystardy nyǵaıtýǵa úles qosty.
