Astanalyq parkte jańa attraktsıondar ashylady
ASTANA. QazAqparat - Jańa maýsymda elorda parkinde qala turǵyndary men qonaqtaryn kóptegen tosyn syı kútip tur, dep habarldaıdy qalanyń resmı saıty.
Bıyl Parıjdegideı átkenshek, 7D jedel saty, úlken arqandar parki, daladaǵy sporttyq batýt kelýshilerge jaqsy kóńil-kúı syılaıdy. Sondaı-aq, parkte ekologııalyq haıýanattar baǵy ashylyp, janýarlarmen oınaý, olardy qorektendirý múmkindigi beriledi.
- Jalpy, saıabaq aýmaǵynda 16 attraktsıon bar. Jańalaryn 1 maýsymda ashý josparlanǵan. Jazda balalar men eresekter úshin Parıjde Eıfel munarasynda turǵan álemdik standarttaǵy átkenshekke uqsas attraktsıon iske qosylady. Odan basqa, kishkentaı astanalyqtarǵa arnalǵan tórt kóńildi jáne jarqyn attraktsıon jumys isteıtin bolady, - deıdi qalalyq saıabaq meńgerýshisi Ǵanı Hasenov.
Balalar men jastardyń súıikti attraktsıondary - Space Gun, ıaǵnı, «dıirmen», ataqty «Zýbr», «Qaraqshylar kemesi» átkenshegi, úlken tizbektik átkenshek. Ázirge, parkte belgili «amerıkalyq átkenshek» joq, onyń ornyna «qyryqbýyn» tur. Alty metrlik bıiktikke shyǵýǵa bolatyn arqan kópshilik arasynda suranysqa ıe. Bul jerde tolyq qaýipsizdik qamtamasyz etiledi, oǵan 5 jastan asqan balalar men salmaǵy 120 kg deıingi eresekter jiberiledi. Marshrýt trenajer zalyndaǵy bir saǵattyq jattyǵýmen teń, óıtkeni, bulshyq etterdiń barlyǵy jumys isteıdi. Qazirgi kezde Qazaqstandaǵy eń iri arqan parkiniń qurylysy júrgizilip jatyr, ol 1 maýsymǵa qaraı ashylady.
- Onyń bıiktigi 12 metr. Saqtandyrý júıesi boıynsha adamǵa kez kelgen ýaqytta ustaýǵa bolatyn nárseler jasalady. Bul júıe aıaqtalý ústinde. Al aǵashtardyń belgili bir orta quratynyn aıta ketkenimiz jón, - deıdi Ǵanı Hasenov.
Jańashyldyqtyń biri - dalada ornalasqan sporttyq batýt. Ol shatyrdyń ishinde turady jáne 10 jastan asqandarǵa arnalǵan. Sondaı-aq, saıabaqta aǵashtan jasalǵan ekologııalyq haıýanattar baǵyna arnalǵan oryn bólindi.
Qysqa metrajdy fılmderdi unatatyndar úshin proektsııasy bar 7D-lıft jasaldy, onyń kómegimen adamnyń erkin qulaýy ımıtatsııasy júzege asyrylady.
Átkenshekterdi jańa shaǵyn golf taksımen aralaýǵa bolady.
Ǵanı Hasenovtyń atap ótýinshe, parktegi attraktsıondardyń jaǵdaıyn 10 jyldan astam ýaqyttan beri jumys istep kele jatqan jáne óz isine adal mehanıkter qaraıdy.
Aıta keteıik, parkte burynǵydaı retsiz saýda-sattyq júrgizileıdi jáne kóriksiz pavılondar joq.
- Bıyl bári jańasha. Dúńgirshekter alynyp tastaldy, qazirgi kıoskilerdiń belgili bir ádemi dızaıny qarastyrylǵan. Pavılondardyń eskızderin kásipkerlerdiń ózderi jasady, al arnaıy komıssııa bekitti. Bul máselege biz úlken jaýapkershilik tanyttyq, - deıdi park meńgerýshisi.
Astanalyq park aýmaǵy 17 gektarǵa jýyq, ol birneshe aımaqqa bólingen. Munda kelýshiler unatatyn aqqýlar qonatyn toǵan da bar. Qalalyq jaǵajaı shomylý maýsymynyń bastalýyna daıyndalyp jatyr, qazirgi kezde jumysshylar ózenniń túbin tazalap, qorshaǵan aýmaqty abattandyrýda. Ashyq basseınder aýmaǵyn jasaý josparlanǵan, jóndeý jumystary qarqyndy júrgizilip jatyr, ol jaǵajaı maýsymynyń ashylýyna qaraı tolyq aıaqtalmaq.
