Astanalyq parakarateshiler Reseıden jeńispen oraldy
NUR-SULTAN. QazAqparat - Reseıde astanalyq parakarateshiler altyn men kúmis medal ıelendi, dep habarlaıdy QazAqparat Nur-Sultan qalalyq Balalar men jasóspirimder jáne múgedek jandarǵa arnalǵan sport mektebine silteme jasap.
7-8 aqpan aralyǵynda Máskeý oblysynyń Pýshkıno qalasynda (Reseı) sporttyq jekpe-jek jáne jaýyngerlik ónerden «Teńapostoldy Nıkolaı ıAponskıı Kýbogi» (Kýbok ravnoapostolnogo Nıkolaıa ıAponskogo) X festıvali ótti. Jarysqa Reseı, Japonııa jáne Qazaqstan sportshylary qatysty.
Elimizdiń namysyn elordalyq parasportshylar Kerim Beksyrǵauly men Lázzat Júsipova qorǵap, altyn jáne kúmis júldege ıe boldy.
«Jarysta Lázzat jarysta altyn medal, Kerim kúmis medaldi jeńip aldy. Týrnır jaqsy ótti, tatamıdegi parakarateshilerdiń mamamı kúresteri tańǵaldyrdy, bul qýatty ári rýhtandyratyn sát boldy. Japonııa komandasy wkf karatesi men sýmo boıynsha óner kórsetti. Jyl saıyn ótkiziletin týrnırge Hokkaıdo jáne Pýshkıno gýbernatorlary, Reseı Federatsııasynyń Bala quqyǵy jónindegi ýákili Anna Kýznetsova qatysty. Bizdiń sportshylar úshin bul úlken tájirıbe boldy», - deıdi parakarate sporty boıynsha jattyqtyrýshy Meıramgúl Dýkýeva.
