Astanalyq órt sóndirýshiler tórt balany qutqaryp aldy
ASTANA. QazAqparat - Búgin Astanada qalasyndaǵy eki qabatty úılerdiń birinen órt shyqqan. Podezde ornalasqan elektr qalqandaǵy symdar tuıyqtalyp, órttiń taralýyna sebep boldy. Kireberis tolyǵymen tútindelip ketti. Al ekinshi qabattyń turǵyndary óz úıinde qamalyp qaldy, dep habarlaıdy QazAqparat tilshisi Astana qalasynyń tótenshe jaǵdaılar departamentiniń baspasóz qyzmetine silteme jasap.
«Órt sóndirýshiler birden arnaıy baspaldaqty qoldanyp, tereze arqyly adamdardy qutqarýǵa kiristi. Ókinishke oraı, qalyń tútinniń saldarynan baspaldaq alańy arqyly adam evakýatsııalaý múmkin bolmady», - deıdi aǵa leıtenant Kenjeǵulov.
Shuǵyl sharalardyń nátıjesinde 5 adam qutqaryldy. Olardyń ishinde tórteýi - bala.
«Tótenshe jaǵdaılar kenetten bolýy múmkin, bundaı jaǵdaılarǵa ár ýaqytta daıyn bolý kerek jáne órt qaýipsizdigi erejelerine salǵyrttyqpen qaraýǵa bolmaıdy», - deıdi qutqarýshylar.
