Astanalyq órt sóndirýshiler 68 jastaǵy áıeldi qutqardy
NUR-SULTAN. QazAqparat - Elordalyq órt sóndirýshiler egde jastaǵy áıeldi qutqardy, dep habarlaıdy QazAqparat.
12 aqpanda elordanyń sol jaǵalaýyndaǵy turǵyn úılerdiń birinde jalyn sharpyǵan páterden qart kisi qutqaryldy.
Elordalyq TJD órt sóndirý bólimsheleri Máńgilik el kóshesindegi kóppáterli turǵyn úıde órt shyqqany týraly kezekti qońyraý boıynsha shyqty.
Úshinshi qabatta 25 sharshy metr aýmaqta úı zattary, jıhaz janǵan.
Qutqarýshylar adamdardy qutqarý, evakýatsııalaý jáne órtti sóndirýge dereý kirisken.
Tilsiz jaýmen arpalys barysynda órt sóndirýshilerdiń jedel áreketi men kásibıliginiń arqasynda joǵarǵy qabattaǵy páterden qutqarý maskasynyń kómegimen baspaldaq marshy arqyly 1954 jyly týǵan áıel qutqaryldy.
Jalyndy aýyzdyqtaýǵa Nur-Sultan qalasy TJD jeke quramynan 27 adam jáne 5 tehnıka jumyldyryldy.
