Astanalyq óner ujymdary halyqaralyq teatr kúnin atap ótti
ASTANA. QazAqparat - Búgin Kongress-hollda Halyqaralyq teatr kúni ótti. Jyl saıyn Teatr kúnin toılaý elordanyń mádenı ómirinde dástúrge aınaldy, dep jazady Astana qalasy ákimdiginiń resmı saıtynda.
Qalalyq teatrlardyń shyǵarmashylyq ujymdaryn quttyqtaı otyryp, Astana qalasy Mádenıet basqarmasynyń basshysy Bolat Majaǵulov elordada teatr óneriniń qarqyndy damyp kele jatqanyn atap ótti.
- Búgin sizderdiń tabystaryńyz ben jeńisterińiz elimizdiń ulttyq mádenıetiniń tarıhyna altyn áriptermen jazyldy. Sizder qoıǵan spektaklder, ótkizgen is-sharalar, daryndylyǵyńyz, erekshe kúsh-jigerlerińiz ben eńbeksúıgishtikterińiz otanymyzda jáne shetelde sizderdi moıyndatty. Biz sizderdi maqtan tutamyz, - dedi B. Majaǵulov. Ol qonaqtarǵa tabys, shyǵarmashylyq jetistik jáne shalqar shabyt tiledi. QR Eńbek sińirgen qaıratkeri, rejısser Bolat Uzaqov «Mádenıet pen ónerdi damytýǵa qosqan úlesi úshin» belgisimen marapattaldy. Merekege Q. Qýanyshbaev atyndaǵy Memlekettik akademııalyq qazaq mýzykalyq drama teatry, M. Gorkıı atyndaǵy Memlekettik akademııalyq orys drama teatry, «Jastar» teatry, «Kóńildi tapqyrlar» teatry, «Naz» memlekettik bı teatry, Qýyrshaqtar teatry, «Terra» bı teatrynyń shyǵarmashylyq ujymdary qatysty.
