Astanalyq oqýshylarǵa karantın sharalary túsindirildi

NUR-SULTAN. QazAqparat - Oqý jylynyń basynda qala mektepteri janyndaǵy medıtsına qyzmetkerleri balalarǵa karantındik sharalar men sanıtarlyq normalardy saqtaýdy eske saldy, dep habarlaıdy QazAqparat ákimdiktiń resmı saıtyna silteme jasap.

Ár sabaqtyń basynda medıtsına qyzmetkerleri sanıtarlyq normalardy saqtaý boıynsha on mınýttyq túsindirý jumystaryn júrgizedi.

Balalarǵa sabaq kezinde mindetti túrde maska kııý jáne ony ár 2 saǵat saıyn aýystyrý, qol gıgıenasy – jıi jýý jáne sanıtaızerlerdi qoldanýdy eske salady.

Bastaýysh synyp oqýshylarymen aldyn alý sharalary oıyn-saýyq túrinde ótkizilip, onyń barysynda jeke gıgıenany saqtaýdyń mańyzdylyǵy aıtylady.

«Birinshi synyp oqýshylary áli kishkentaı ǵoı, sondyqtan olarǵa oıyn túrinde túsindirý ońaı. Olar bizdiń aıtqandarymyzben kelisip, densaýlyqty qalaı kútý kerektigin aıtady. Eń bastysy, barlyq oqýshylarǵa sanıtarlyq talaptardy saqtaý óte mańyzdy ekenin jetkizý. Dástúrli oqytý formatyna qaıta oralǵanda, ásirese sannormalar týraly umytýǵa bolmaıdy», - dep atap ótti medbıke Janat Baılova.

KVI taralýyna jáne aýrý deńgeıiniń artýyna jol bermeý maqsatynda mamandar aldyn alý sharalaryn saqtaýdyń mańyzdylyǵyn taǵy da eske saldy.

Sondaı-aq oqýshylardyń ata-anasynan koronavırýsqa qarsy vaktsınany múmkindiginshe tezirek alýdy suraıdy.

Aıta ketý kerek, búginde tek vaktsınatsııa arqyly biz ózimizdi jáne aınalamyzdaǵylardy qorǵaı alamyz, al balalar dástúrli oflaın rejıminde oqýdy jalǵastyra alady.