Astanalyq oqýshylar halyqaralyq ǵylymı jobalar konkýrsynda úzdik atandy
NUR-SULTAN. QazAqparat - Halyqaralyq ǵylymı jobalar saıysynda elordalyq oqýshylar úzdik atandy, dep habarlaıdy QazAqparat tilshisi.
Qalalyq bilim basqarmasynyń málimetine sensek, B razılııanyń Novo-Gambýrg qalasynda «MOSTRATEC» atty 35-shi halyqaralyq bilim kórmesiniń aıasynda ıdeıalar men zertteý jumystarynyń basyn qosqan ǵylymı jobalar jarysy ótken.
Pandemııaǵa baılanysty qashyqtan ótkizilgen saıysqa 35 elden úmitkerler, 752 joba qatysty.
Onyń ishinde Qazaqstan mektepterinen 25 oqýshy baq synady.
Konkýrs nátıjesinde Nur-Sultan qalasynyń daryndy er balalarǵa arnalǵan «Bilim-ınnovatsııa» lıtseıiniń oqýshylary úzdikter qatarynan kórindi.
Altyn medaldy - Alıhanov Rahım, Dúısenbaev Alfarabı jeńip alsa, Sýleımenov Almat pen Jambýl Temirlan - kúmis medal,Túmenbaı Bakjan, Ýrjanov Aron, Alenov Erasyl qola medaldy ıelenip, jeńimpaz atandy.
