Astanalyq oqýshylar Elbasyna syılyq ázirleýde
ASTANA. 7 qarasha. QazAqparat - Astana qalalyq Bilim berý basqarmasy Qazaqstan Respýblıkasynyń Tuńǵysh Prezıdenti kúnine arnalǵan is-sharalar aıasynda erekshi baıqaý jarııalady.
Balabaqshalardan bastap elordadaǵy barlyq bilim berý mekemeleriniń tárbıelenýshileri qarasha aıy boıy ózderiniń «Prezıdentke tilegin» oılap taýyp, ony óz qoldarymen jasap shyǵaratyn bolady.
Uıymdastyrýshylardyń aıtýynsha, mundaı shyǵarmashylyq baıqaý daryndy balalardy anyqtaýǵa múmkindik beredi, eń bastysy, onyń qatysýshylaryna merekelik kóńil-kúı syılaıdy.
«Prezıdentke tilekti» ázirleýge 2 túrli jas sanatyndaǵy balalar shaqyryldy - tómengi top 5-13 jas aralyǵy, joǵary top - 14-17 jas aralyǵy. 15 qarashaǵa deıin irikteý kezeńi ótedi. Baıqaýdyń nátıjesin shyǵarý saltanaty 20 qarasha kúni ótetin bolady.
