Astanalyq oqýshylar Áskerı polıtsııa sarbazdarynyń turmys-tirshiligimen tanysty
Іs-sharanyń negizgi maqsaty - jasósipirimderdiń patrıottyq rýhyn ushtap, otansúıgishtikke baýlý. Osyǵan oraı mektep oqýshylary sarbazdardyń kazarmasyn aralap, áskerı tehnıka men qarý-jaraqpen jan-jaqty tanysyp shyqty. Sondaı-aq jasóspirimder Zınger atty ıttiń áskerı daıyndyǵyn tamashalady. Zınger qarý-jaraq pen jarylǵysh zattardy ıiskeı júrip, emin-erkin taba alady.
«Qazirgi kezde áskerı-patrıottyq tárbıe berý boıynsha arnaıy jospar bar. Oǵan sáıkes, búgin biz №34 orta mekteptiń oqýshylaryn shaqyryp, áskerı qyzmettiń qyr-syryn kórsetip otyrmyz. Jalpy, Áskerı polıtsııanyń Aqmola óńirlik garnızony Astana qalasyndaǵy №26 jáne №34 orta mektep oqýshylaryna áskerı-patrıottyq tárbıe berý boıynsha tıisti jumystardy atqaryp keledi», - deıdi Áskerı polıtsııanyń Aqmola óńirlik garnızonynyń ıdeologııalyq jumys jónindegi mamany, leıtenant Baýyrjan Ámirov.