Astanalyq oqýshylar arasynda Prezıdenttiń ómirbaıanyn bilý boıynsha blıts-jarys ótedi
ASTANA. 13 qarasha. QazAqparat - Tuńǵysh Prezıdent kúnin merekeleý aıasynda ótkizilip jatqan astanalyq mektep oqýshylarynyń kóshbasshylary arasyndaǵy baıqaýdyń aqtyq kezeńine 20 qatysýshy ótti. Olar 10-11 synyp oqýshylary. Bul týraly Astana qalalyq ákimdiginiń saıtynan habarlady.
Baıqaýǵa 48 mekteptiń oqýshylary qatysty. Sarapshylar komıssııasynyń músheleri olardyń ishinen úzdik 20 adamdy iriktedi. Qarasha aıynyń ekinshi onkúndiginiń basynda olar baıqaýdyń aqtyq kezeńinen ótýi tıis.
«Oǵan jalpy oı-óristi tekseretin «Báıge», «Tarıhtaǵy uly tulǵalar», N.Nazarbaevtyń ómirbaıany boıynsha «Blıts-jarys», «Sheshen» - belgili bir taqyrypta sóz sóıleý sııaqty kezeńder kiredi», - dep habarlady Astana qalasy bilim basqarmasynyń bastyǵy Ásıma Bımendına.
Baıqaýdyń bas júldegeri, sondaı-aq túrli atalymdardaǵy júldegerlerdiń esimderi 20 qarashada Oqýshylar saraıynda jarııalanady.
«Osyndaı baıqaýlar óskeleń urpaqtyń bolashaq kóshbasshyǵa qandaı qasıetter kerek ekenin bilýi úshin kerek», - deıdi uıymdastyrýshylar.
«Baıqaýǵa qatysýshylardy daıyndyqtyń basty orny Tuńǵysh Prezıdent murajaıy boldy, onda olar derekkózdermen, Prezıdent qoljazbalarymen, Memleket Basshysy týraly kóptegen ádebıettermen tanysýǵa múmkindik aldy. Murajaı qorynda Prezıdenttiń ómirbaıany týraly kóptegen kitaptar bar. Tuńǵysh Prezıdent kúni qala mektepterinde alǵash ret atap ótiledi. Ol erekshe merekege aınalady», - dep atap ótti Á.Bımendına.
Baıqaýdyń uıymdastyrýshylary - Astana qalasynyń ishki saıasat basqarmasy jáne bilim basqarmasy. Onyń maqsaty - jas urpaqty bilimge, kóshbasshylyq qasıetterdi damytýǵa, qazaqstandyq patrıotızmdi qalyptastyrýǵa tárbıeleý.
Baıqaýǵa qatysý úshin negizgi talaptar - negizgi mektep pánderi boıynsha jaqsy baǵalardyń bolýy, logıkalyq jáne psıhologııalyq tapsyrmalardy oryndaı alý, oı-óristiń keń bolýy, qoǵamdyq ómirge belsene aralasý, kóshbasshylyq jáne sheshendik qasıetterdiń bolýy.
