Astanalyq oqýshy túngi úshte kompıýter klýbynda bolǵan
NUR-SULTAN. QazAqparat – Nur-Sultan qalasynda oqýshy bala tún jarymda kompıýter klýbynan tabyldy, dep habarlaıdy QazAqparat Polıtsııa departamentine silteme jasap.
Elordalyq ıývenaldy polıtseıler volonterlermen birge túngi ýaqytta qoǵamdyq oryndarǵa reıd júrgizýde. Olardyń barysynda zańdy ókilderinsiz jalǵyz júrgen balalar anyqtalýda.
Máselen, «Esil» aýdanynyń ıývenaldy polıtsııa qyzmetkerleri túngi saǵat úsh shamasynda kompıýter klýbtarynyń birinen 10 jasar balany anyqtaǵan.
«Bul fakti boıynsha, balanyń ata-anasymen profılaktıkalyq áńgime júrgizilip, QR ÁQBtK-niń 442-baby 1-tarmaǵy boıynsha ákimshilik hattama toltyryldy. Sonymen qatar, kompıýter klýbynyń ákimshisi kámeletke tolmaǵannyń túngi ýaqytta kompıýter klýbynda bolýyna jol bergeni úshin QR ÁQBtK-niń 132-baby 1-tarmaǵyna sáıkes, jaýapkershilikke tartyldy. Tyıym salynǵanyna qaramastan, jumysyn toqtatpaǵan klýb ıesine qatysty materıaldar aýdan prokýratýrasy men ákimdigine jiberildi», - dedi qalalyq Polıtsııa departamentinen.
