Astanalyq oqýshy Máskeýde ótken olımpıadada hımııa páninen altyn aldy
ASTANA. 10 tamyz. QazAqparat - Astana qalasynyń daryndy balalarǵa arnalǵan qazaq-túrik lıtseıiniń 11-synyp oqýshysy Ázim Amanjolov hımııa páninen altyn júlde aldy. Bul týraly «Astana Daryny» óńirlik ǵylymı-praktıkalyq ortalyqqa silteme jasap astana.kz saıtynan habarlady.
«15-24 shilde aralyǵynda Máskeýde M.Lomonosov atyndaǵy Máskeý memlekettik ýnıversıtetinde hımııa páninen 45-shi Halyqaralyq olımpıada ótti. Oǵan álemniń 75 elinen 300-ge jýyq oqýshy qatysty» - delingen aqparatta.
Qazaqstan quramasy olımpıadada 4 júldege qol jetkizdi.
Sonymen qatar, 14-24 shilde aralyǵynda ıAkýtsk qalasynda (Saha Respýblıkasy Reseı Federatsııasy) mektep oqýshylarynyń matematıka, fızıka, hımııa jáne ınformatıka pánderinen HH Halyqaralyq «Týımaada» olımpıadasy ótti. Rýmynııa, Indonezııa, Mońǵolııa jáne Reseı óńirleriniń komandalary men Qazaqstan quramasy bas júldeni sarapqa saldy.
Aıta keteıik, qazaqstandyq oqýshylar atalmysh olımpıadaǵa 10 jyldan beri qatysyp júr.
Bıyl el quramasynyń sapynda №54 mektep-gımnazııasynyń 10-synyp oqýshysy Merýert Qýanyshbek, №56 mektep-lıtseıdiń 10-synyp oqýshysy Tasqyn Esbolat jáne №66 mektep-lıtseıdiń 10-synyp oqýshysy Baqdaýlet Seıfýllın óner kórsetti. Olımpıada qorytyndysy boıynsha barlyq qatysýshylarǵa sertıfıkattar tabys etildi.
