Astanalyq oqýshy Andreı Malahovty este saqtaý qabiletimen tańqaldyrdy
ASTANA. QazAqparat - Máskeýde daryndy balalar týraly telebaǵdarlamanyń túsirilimi ótti. 10 jasar astanalyq Maksım Sarýhanov «Andreı Malahovpen tikeleı efırde» baǵdarlamasynyń keıipkeri boldy. Baǵdarlama Máskeýde, 30 tamyz kúni túsirilgen, dep habarlaıdy astana.day Instagramda.
Bir jyl buryn Maksımdi «Rossııa-1» telearnasyndaǵy «Ǵajap adamdar» baǵdarlamasyna qatysýǵa shaqyrǵan. Maksım qazir elordadaǵy lıtseıde bilim alyp jatyr, bes jasynan beri mentaldy arıfmetıkamen aınalysady. «Ǵajap adamdar» baǵdarlamasynyń redaktorlary matematıkalyq qabileti bar balalardy izdegen. Olar Máskeýdegi mentaldy arıfmetıka mektebine barǵan, ol jerde olarǵa balalardyń derekterin bergen. Olar úsh balany, sonyń ishinde bizdiń Maksımdi tańdap alǵan. Uıymdastyrýshylar onyń este saqtaý qabiletin teksermekshi bolady. Arnaıy ol úshin tapsyrma oılap tapqan, biz úıde túsirilimnen aldynda jattyqtyq. Sonyń nátıjesinde baǵdarlamaǵa kelip, Maksım birinshi oryn aldy jáne fınalǵa shyqty», - dedi Maksımniń anasy Irına Shapovalova.
Maksımge 70 basqyshtyń ishinen tek jasyl tústilerin este saqtap alý tapsyrmasy berilgen. Sol boıynsha oqýshynyń óz anasyn alyp ótýin suraǵan. Maksımniń ata-anasy telebaǵdarlamadaǵy túsirilimderge qatysýyn jalǵastyrǵan. Birneshe ýaqyt ótken soń «Rossııa-1» telearnasynda «Ult altyny» jańa baǵdarlamasy ashylyp, ondaǵy oıynda jas qazaqstandyq qola júldeger atandy - joba júrgizýshisi astanalyq balaǵa on metrlik pıtstsanyń salmaǵyn esepteýdi tapsyrǵan. Ol ár ıngredıenttiń salmaǵyn jeke ólshep shyqqan. Maksım tapsyrmany op-ońaı oryndaǵan.
«Jeksenbi kúni «Ǵajap adamdar» jobasynyń ekinshi maýsymy bastalady, bizdi onyń ańdatpasyna túsý úshin Malahovtyń baǵdarlamasyna shaqyrdy. Andreı baǵdarlamaǵa qatysqannan keıin ómirimizdiń qalaı ózgergenin surady. Maksımge teńdeýdeen esep berdi, ol op-ońaı shyǵardy», - dep qorytyndylady Irına.
