Astanalyq oqýshy Aqkóldegi lagerde sýǵa batyp ketti
KÓKShETAÝ. QazAqparat - Aqmola oblysynda 15 jastaǵy jasóspirim sýǵa batyp ketti, dep habarlaıdy QazAqparat tilshisi.
ІІD taratqan habarlamaǵa qaraǵanda, oqıǵa 9 shildede Aqkól aýdanyndaǵy «Arman» balalar lageri aýmaǵynda bolǵan. Sol kúni Aqkól aýdandyq ÓB dıspetcherinen atalmysh lager mańdaǵy, ıaǵnı, aýdan ortalyǵynan 8 shaqyrym jerdegi sý qoımasynda 2003 jylǵy jasóspirimniń sýǵa batyp ketkendigi týraly aqparat túsken.
Keıin balanyń denesi sol sý qoımasynan tabyldy. Sondaı-aq, jasóspirimniń Astana qalasyndaǵy mektepte oqıtyny anyqtalyp otyr.
"Qazirgi kezde balanyń denesi məıithanaǵa jiberildi. Sondaı-aq, sottyq medıtsınalyq saraptama taǵaıyndalyp, tekseris júrgizilýde", - dep túsindirdi ІІD baspasóz hatshysy Gúlnər Pınchýk.
