Astanalyq názik jandar sábı súıýge qatysty tegin keńes ala alady
ASTANA. QazAqparat - Halyqaralyq áıelder merekesi qarsańynda elordalyq aýrýhana ashyq esik kúnin ótkizedi. Bul kúni áıelder dárigerlermen tanysyp, ózderin tolǵandyrǵan suraqtarǵa jaýap ala alady, dep habarlaıdy QazAqparat qala ákimdiginiń resmı saıtyna silteme jasap.
7 naýryz kúni saǵat 09:00-den 14:00-ge deıin №2 qalalyq kópbeıindi aýrýhana óz esigin aıqara ashady.
«Ashyq esik kúnin otbasyn josparlaý jáne reprodýktsııa bólimi ótkizedi, onda siz gınekolog, KPOZ dárigeri (keńeıtilgen kolposkopııa), ýroandrolog, balalar gınekology sııaqty mamandardyń keńesin ala alasyz», - dep habarlady klınıkadan.
Sonymen qatar, bedeýlik máseleleri boıynsha keńes alýǵa, bólimsheniń qalaı jumys isteıtinin bilýge, dárigerlermen tanysýǵa jáne qyzyqtyratyn suraqtardy qoıýǵa bolady.
Mekenjaıy: Turar Rysqulov kóshesi, 8, 4-qabat, g blogy, kabınetter: № 410, 411, 412, 413.
Anyqtama úshin telefon: 8 (7172) 43-27-25, 43-27-21, 43-27-53.
