Astanalyq mektep oqýshylary respýblıkalyq olıpıadada úzdik shyqty
ASTANA. 31 naýryz. QazAqparat - 25-30 naýryz aralyǵynda «Daryn» respýblıkalyq ǵylymı-tájirıbelik ortalyǵynyń uıymdastyrýymen qoǵamdyq-gýmanıtarlyq baǵyttaǵy jalpy bilim berýden mektep oqýshylarynyń respýblıkalyq olımpıadasynyń ІV kezeńi ótti. Elorda mektepterinen olımpıadaǵa 41 oqýshy qatysty, dep habarlaıdy Astana qalasynyń resmı saıtynan.
Astana.kz saıtyna «Astana daryny» ortalyǵynan habarlaǵanyndaı, Olımpıada nátıjesinde Astana komandasy jalpykomandalyq esepte І orynǵa shyǵyp, «Úzdik komanda - 2013» ataǵyn ıelendi. Júldeger bolyp 27 oqýshy tanyldy. «І oryn - 4 oqýshy, ІІ oryn - 8 oqýshy, ІІІ oryn - 15 oqýshy», - delingen habarlamada.
Eske salaıyq, qoǵamdyq-gýmanıtarlyq baǵyttaǵy jalpy bilim berýden mektep oqýshylarynyń respýblıkalyq olımpıadasy Qazaqstanda 15 pán boıynsha ótkiziledi. Negizgi maqsaty daryndy balalardy anyqtap, olardyń bolashaǵyna baǵyt-baǵdar silteý.
Olımpıada erejesine sáıkes tórt kezeńde ótedi:
1) birinshi kezeń - mekteptik;
2) ekinshi kezeń - aýdandyq (qalalyq);
3) úshinshi kezeń - oblystyq (Almaty Astana qalalary olımpıadalary, sondaı-aq repýblıkalyq dárejedegi mektepter oblystyq olımpıada mártebesine teńesedi);
4) tórtinshi kezeń - respýblıkalyq.
Respýblıkalyq olımpıada júldegerleri pán qazylary alqasynyń sheshimi boıynsha I, II, III dıplomdarmen, árbir pán jáne synyp boıynsha gramotalarmen marapattalyp, arnaıy baǵaly syılyqtarǵa ıe bolady.
