Astanalyq mektep oqýshylary Qazaqstannyń EQYU-ǵa tóraǵalyǵy máselesin talqylady

Keshe, elordadaǵy Jambyl Jabaev atyndaǵy №4 mektep-gımnazııada qaladaǵy barlyq orta bilim uıymdarynda tarıh pánin oqytatyn muǵalimderdiń, Astana qalalyq bilim departamenti, máslıhat depýtattary men «Nur Otan» HDP ókilderiniń qatysýymen «Qazaqstannyń 2010 jylǵy EQYU-ǵa tóraǵalyq etýi» taqyrybynda konferentsııa ótti.

Konferentsııanyń basty spıkerleri atalmysh mektep-gımnazııanyń 11-synyp oqýshylary boldy. Shaqyrylǵan qonaqtar tyńdaýshylar retinde qatysty.

Úsh bólimnen quralǵan is-sharanyń alǵashqysynda oqýshylarEýropadaǵy qaýipsizdik jáne yntymaqtastyq uıymy týraly jalpy maǵlumattar berdi. Odan keıin Qazaqstan men EQYU; Qazaqstannyń álemdik arenadaǵy orny taqyryptaryn kóterdi.

Jastardyń biri Qazaqstannyń uıymǵa tóraǵalyq etýiniń sebebin: «Qazaqstan damyǵan, órkenıetti, demokratııalyq, quqyqtyq memleket, ol azamattyq qoǵam bolý úshin aldyna jańa maqsattar qoıyp, mindetter qabyldaıdy jáne ony júzege asyrýǵa umtylady», degendi aıtsa, biri: «Tóraǵalyq arqyly Qazaqstan áleýmettik, saıası damýdyń jańa satysyna kóteriledi, Eýropa elderimen tyǵyz qarym-qatynastyń jańa sapalyq satysyna kóshedi, Dúnıejúzilik qoǵamdastyqtyń Qazaqstandy taný deńgeıi tereńdeı túsedi, dostarymyz kóbeıip, eldiń halyqaralyq bedeli arta túsedi», degen pikirlerin bildirdi.

Oqýshylar aldaǵy jeltoqsan aıynyń alǵashqy kúnderi Astana qalasynda ótetin EQYU sammıti máselesin de umyt qaldyrǵan joq. EQYU-ǵa múshe elder basshylarynyń sammıti Uıym tarıhynda barlyǵy 6 ret ótkizildi. Olardyń paıymdaýynsha, Qazaqstanda ótetin kezekti 7-nshi basqosýdyń basty taqyryptary - ǵalamdy sharpyǵan qarjylyq-ekonomıkalyq daǵdarystan shyǵý joldary jáne óńirdegi qaýipsizdikti qamtamasyz etý máseleleri bolady.

Іs-shara barysynda sondaı-aq, ^{Qazaqstan Prezıdenti N.Nazarbaevtyń Uıymǵa tóraǵalyq etý taqyrybyna qatysty sóılegen sózderinen beınerolıkter kórsetilip, mekteptiń halyq aspaptar orkestri, halyqaralyq jáne respýblıkalyq baıqaýlardyń jeńimpazy - balalar hory men bıshiler toby óner kórsetti.}

Mektep-gımnazııa basshylyǵy atap ótkendeı, Qazaqstannyń bedeldi Uıymǵa tóraǵalyǵy taqyrybyna qatysty bilim oshaǵynda buǵan deıin birneshe is-sharalar, tárbıe saǵattary ótkizildi.OqýshylardyElbasynyńqabyldaǵan zańdarymen tanystyra otyryp, olardy ultjandylyqqa, memlekettik rámizderdi qasterleýge tárbıeleý maqsatynda 5-11-inshi synyptar arasynda QR Tuńǵysh Prezıdenti murajaıynda saıahat uıymdastyryldy. Sonymen birge, mektepishilik mánerlep oqý saıysy, «Salaýatty ómir saltyn saqtaımyz, el úmitin aqtaımyz» uranymen áskerı-sporttyq saıystar, sýretter baıqaýy, patrıottyq ánder baıqaýy ótkizildi.