Astanalyq máslıhat depýtaty shetel tulǵalaryna kóshe ataýyn berýge qarsy shyqty
«Qazaq qonaqjaı halyqpyz ǵoı. Basqa memlekettiń basshylary kelip jatsa, sol eldiń tarıhı tulǵasyna kóshe ataýyn beremiz. Negizi bul durys emes. Syrtqy ister mınıstrligi Prezıdentke silteıdi de, ananyń, mynanyń atyna kóshe ber deıdi. Qazaqstanǵa ol el basshysy keledi, ketedi. Al kóshe máńgilikke qalady, sonda biz óz balalarymyzǵa ne deımiz? Mysaly, Ulybrıtanııanyń patshaıymy Ekaterına ІІ atyna skver ataýyn berdik. Onyń bizge qandaı qatynasy bar? Óz tulǵalarymyz joq pa? Nege biz bul máseleni oılastyrmaımyz?», - dedi Baýyrjan Smaıylov qalalyq máslıhattyń otyrysynda.
Onyń aıtýynsha, kóshe ataýyn berýde joǵary jaqqa silteı bermeı, naqty usynys aıtý qajet.
«Biz saıasatty túsinemiz, biraq máseleni jan-jaqty qaraý kerek. Sonymen qatar kóshelerdi resmı túrde ashýymyz qajet. Odan bólek, keıbir kóshe ataýyn eki ret berip jatyrmyz. Mysaly, astanada Alpamys kóshesi jáne Alpamys batyr kóshesi bar. Bul jerdegi problema, taksı jáne jedel járdem shaqyrǵanda qatelesedi. Buny bir tártipke keltirý kerek. Buǵan deıin de qansha ret aıtyp kelemiz», - deıdi elorda máslıhatynyń depýtaty.
Buǵan deıin habarlaǵanymyzdaı, astanada elimizge jáne álemge tanymal tulǵalardyń kósheleri paıda bolmaq.
