Astanalyq mamandar temekiden bas tartýǵa kómektesedi
ASTANA. QazAqparat - Dúnıejúzilik temekiden bas tartý kúnine oraı Astanada bir aı boıy salaýatty ómir saltyn qalyptastyrýdy nasıhattaý boıynsha is-sharalar uıymdastyrylady, dep jazady qalalyq ákimdiktiń resmı saıty.
Astana qalasy Densaýlyq saqtaý basqarmasynyń habarlaýynsha, 1-31 mamyr aralyǵynda qalalyq emhanalarda Ashyq esik kúnderi, semınar-trenıngter ótkiziledi. Onda narkolog, áleýmettik qyzmetker, psıhologtar tegin keńes beredi.
Temekini tutyný densaýlyqqa orasan zor zııan tıgizedi. Jyl saıyn álemde temekiniń kesirinen 5 mıllıondaı adam ajal qushady. Ár 6 sekýnd saıyn temekiden shamamen bir adam qaza tabady.
Dúnıejúzilik temekiden bas tartý kúni 1988 jyldan beri 31 mamyrda dúnıejúzilik densaýlyq saqtaý uıymynyń uıǵarymymen atalyp keledi.
