Astanalyq qyzdardy aldap, ońaı olja tabýmen aınalysqan alaıaq ustaldy
ASTANA. QazAqparat - OQO-dan kelip Astanada turyp jatqan 30 jasar jigit ońaı olja tabý maqsatymen qyzdarmen tanysyp, olardy tonaýmen aınalysqan.
Astana qalalyq ІІD-ge 5 azamatshadan osyndaı shaǵym túsken. Birinshi aryzdanǵan qyzdyń jigit 60 myń teńgesin qoldy qylsa, ekinshisin sýshı-barǵa shaqyryp, sol jerde telefonyn surap, telefonyn da qaıtarmaı, tamaǵynyń da aqshasyn tólemeı izim-ǵaıym joq bolǵan.
30 jastaǵy jigittiń arbaýyna túsken taǵy bir áıel onymen Ortalyq saıabaqta tanysypty. Úsh kúndeı jańa tanysynyń kóńilin aýlaǵan ol ony qonaq úıge shaqyrǵan eken. Ol jerden jigit qyzben qosh aıtyspastan onyń asyl buıymdaryn, uıaly telefony men 194 myń teńgesin alyp «zytyp» ketken. Dál osy azamattyń kesirinen taǵy bir názik jandy 200 myń teńgelik uıaly telefonynan aıyryldy. Tergeý barysynda ustalǵan azamat urlaǵan zattaryn alypsatarlarǵa satyp, sol aqshaǵa páter jaldap turǵanyn moıyndady. Polıtseılerdiń boljamy boıynsha, bul jigitten 5 qyz emes, budan da kóp qyzdar japa shekti. Tek olar jarııalylyqtan qorqyp, tártip saqshylaryna shaǵymdanbaı otyrýy múmkin. Qazirgi ýaqytta M. azamaty Astana qalalyq ІІD Tergeý ızolıatoryna qamaýǵa alyndy. Atalǵan fakti boıynsha QR QK 178baby 2-tarmaǵy («Tonaý» ) men 177-baptyń 1,2-tarmaǵyna («alaıaqtyq») sáıkes qylmystyq is qozǵaldy. Tergeý amaldary júrgizilýde. Dál osyndaı jaǵdaıǵa dýshar bolǵandar bolsa, 71-60-24, 70-60-28, 71-60-10 habarlasýlaryńyzdy suraımyz.
