Astanalyq qutqarýshylar janatty qutqardy
ASTANA. QazAqparat - Astanalyq qutqarýshylar bıik aǵashtyń basyna órmelep shyǵyp alǵan janatty qutqardy, dep habarlaıdy QazAqparat tilshisi.
«31 mamyr kúni shamamen tańǵy 10-da Tótenshe jaǵdaılar komıtetiniń elordalyq bólimshesine erekshe habar kelip tústi. Turǵyndar Respýblıka dańǵylyndaǵy №1 úı mańynda aǵash butaǵynda (shamamen 6 qabat bıiktikte) mysyqqa uqsas janýardyń otyrǵanyn aıtqan. Janýar ózdiginen túse almaǵandyqtan, kýágerler qutqarý qyzmetine habarlasqan», - dep habarlady QR ІІM Tótenshe jaǵdaılar komıtetiniń resmı ókili Rýslan Imanqulov .
Atalǵan mekenjaıǵa Ortalyq aeromobıldi jedel-qutqarý jasaǵynyń bólimsheleri men Astananyń órt sóndirý jáne apattyq-qutqarý jumystary qyzmeti jiberilgen.
Oqıǵa ornyna jetken qutqarýshylar aǵash butaǵynda otyrǵan ańnyń janat ekenin anyqtady. Olar órt satysymen kóterilip, janatty jerge túsirdi jáne «AstanaVeterınarlyqQyzmet» MKK qyzmetkerlerine tabystady.
