Astanalyq qutqarýshylar jańa jyl qarsańynda pırotehnıkalardy tekserý reıdin jasaıdy
ASTANA. QazAqparat - Astana qalasy TJD-niń tótenshe jaǵdaılardy eskertý bóliminiń jetekshisi Erkin Otarǵalymuly TJD men Astana qalasynyń ІІD 15 jeltoqsannan bastap sertıfıkattalmaǵan pırotehnıkalyq quraldardyń satylýyn toqtatý maqsatynda «Prıotehnıka-2017» atty reıdtik sharalaryn bastaıtynyn aıtty.
Press-konferentsııa barysynda: «Jańa jyl dese oıymyzǵa birinshi petardalar men salıýt keletini bárimizge belgili. Sáıkesinshe, Astananyń TJD osy baǵyttaǵy aldyn alý jumystaryn bastamaq. Jańa jyl qarsańynda dástúrli túrde jergilikti polıtsııa qyzmetkerlerimen birikken túrde reıdter júrgiziledi. Sonymen qatar BAQ jáne áleýmettik jeliler arqyly pırotehnıkalyq quraldardy paıdalaný kezindegi qaýipsizdiktiń negizgi erejelerin qalyń jurtshylyqqa jetkizýge tyrysamyz»,- dedi Erkin Otarǵalymuly.
Sondaı-aq, maman ónimdi qolynda arnaıy sertıfıkaty bar satýshylardan ǵana alyp, mindetti túrde óndirýshi zaýyttyń nusqaýlyǵymen tanysý kerektigin atap ótti. Jáne de pırotehnıkalyq quraldar órt dabyldamasy men bastapqy órt sóndirýge arnalǵan quraldarmen jabdyqtalǵan arnaıy metall konteınerlerde satylýy kerektigi aıtyldy. Mundaı konteınerler ózge ǵımarattardan kem degende 50 metr qashyqtyqta ornalasýy kerek eken.
