Astanalyq kórermender nazaryna «Sulý men sýretshi» atty jańa týyndy usynylady
ASTANA. QazAqparat - 16-17 jeltoqsan kúnderi elordadaǵy Jastar teatrynda óner ordasynyń kórkemdik jetekshisi jáne bas rejısseri, Qazaqstannyń eńbek sińirgen qaıratkeri Nurqanat Jaqypbaı kórermenge Talaptan Ahmetjannyń «Sulý men sýretshi» qoıylymyn usynady.
Qashanda jańashyldyqty janyna serik etken rejısserdiń bul joly da kórermenine usynar jańalyǵy az emes. Áýezdi áýen men beıneli bıdi qatar órgen qoıylym kóńil pernelerin dóp basyp, sahna sulýlyǵyn ózgeshe qyrynan áıgileıdi, dep habarlaıdy teatrdyń baspasóz qyzmetinen.
Sahnada daryndy aktrısa, «Platınaly Tarlan» syılyǵynyń laýreaty Nazgúl Qarabalına sulý obrazyna ense, ony bir kórip, ómir boıy súıip ótken sýretshiniń beıinesin talantty aktei, «Daryn» memlekettik jastar syılyǵynyń laýreaty Ádil Ahmetov somdaıdy.
