Astanalyq kópqabatty úılerde 63 lıftini aýystyrý jumystary bastaldy
ASTANA. QazAqparat - Qalada kóptegen lıftilerdi aýystyrý jumysy jalǵasýda, dep habarlaıdy elorda ákimdiginiń medıa ortalyǵy.
Jırentaev kóshesindegi (14, 20/1, 22/2) men Jumabaev 1, Kúmisbekov 6, Qajymuqan 26, 28 úılerde lıftilerdi jóndeý jáne jańadan aýystyrý boıynsha jumystary bastaldy. Atalǵan úılerdegi eski lıftiler jyl sońyna deıin óńirlerdi damytý baǵdarlamasy boıynsha aýystyrylmaq. Turǵyndar oǵan qarjyny memlekettiń esebinen paıdalandy. Osyndaı jolmen eski lıftilerin aýystyrǵysy kelgen turǵyndar «Órken qala» baǵdarlamasynyń operatoryna qujat tapsyrýy kerek.
Ary qaraı kelisimshart bekitilip, merdiger tańdalady. Barlyq jumys turǵyndardyń baqylaýymen ótkiziledi. Eger memleketten qarjyny 15 jylǵa alsa, orta eseppen alańyna baılanysty ár páterge 2 myń teńgeden shyǵady. Jyl sońyna deıin atalmysh baǵdarlama boıynsha 63 lıft aýystyrylady.
Esterińizge sala keteıik, osy jyldyń kókteminde Astana ákimi Áset Isekeshev qaladaǵy barlyq lıft sharýashylyǵyn tekserýdi jáne tártipke keltirýde keshendi shara qoldaný kerektigin tapsyrǵan bolatyn. Búginde Astanada 6 577 lıft tirkelgen. Onyń 4 879 lıftisi turǵyn úılerde, ákimshilik ǵımarattarda 1 728 tirkelgen.
