Astanalyq kondýktorlardyń barlyǵyna demalys berildi
ASTANA. QazAqparat - Astanadaǵy qoǵamdyq kólikte jumys isteıtin kondýktorlardyń bárin demalysqa jiberdi. Búgin Táýelsizdiktiń 25 jyldyǵyna oraı barlyq avtobýstarda jol júrý qyzmeti tegin, dep xabarlaıdy QazAqparat tilshisi.
Aıta keteıik, búgin saǵat 11:00-de EKSPO aýmaǵynda «Táýelsizdiktiń 25 jyldyǵy» monýmenti ashylady. Keshki saǵat 17.00-de «Astana Opera» teatrynda «Táýelsizdikke shashý» merekelik kontserti ótedi. Sondaı-aq Qazaqstan Respýblıkasy Táýelsizdiginiń 25 jyldyǵyna arnalǵan saltanatty kontsert «Báıterek» monýmentiniń aldynda uıymdastyrylady. Kontsert Qazaqstan estradasy juldyzdarynyń qatysýymen ótedi. Al aýqymdy merekelik otshashýdy saǵat 22:00-de elordanyń birneshe aýdanynda, atap aıtqanda, Esil ózeniniń jaǵalaýynda, Pýshkın kóshesi men Abylaı han dańǵylynyń qıylysynda jáne «Han-Shatyr» saýda ortalyǵynyń syrtynda tamashalaýǵa bolady.
Astanada mereke kúnderi qoǵamdyq tártipti, jeke jáne múliktik qaýipsizdikti saqtaýǵa jáne jol qaýipsizdigin qamtamasyz etýge 1500-ge jýyq QR ІІM Ulttyq ulan áskeri men polıtsııa qyzmetkeri, 200-ge jýyq arnaıy mashına tartylady. Sondaı-aq, TJD jeke quramynan 4 bólimshe, 204 adam jumyldyrylady.
