Astanalyq kompanııa negizsiz aıyp úshin 500 myń teńgege shyǵyndaldy
ASTANA. QazAqparat - Astana qalasynyń №2 Almaty aýdandyq soty negizsiz aıyptalǵan eki adamdy aqtap aldy, dep habarlaıdy QazAqparat tilshisi.
Sot materıaldaryna sáıkes, astanalyq kompanııa olardy Qylmystyq kodekstiń 130-baby, 2-tarmaǵy (jarııa túrde, ıa bolmasa, buqaralyq aqparat quraldary nemese aqparattyq-kommýnıkatsııalyq jeliler arqyly jala jabý) boıynsha jaýapqa tartýdy talap etti. Alaıda, aıyptalýshylardyń kinási dáleldenbedi. Sot úkimi aıasynda olar qylmystyq jaýapkershilikke zańsyz tartqany úshin zalaldy óteý quqyǵyn paıdalandy.
«Astana qalasynyń №2 Almaty aýdandyq soty aqtalǵan bir adamnyń 250 000 myń teńge kólemindegi zalalyn, sondaı-aq 40 000 teńgege ókildiktik shyǵyndaryn, al ekinshi adamnyń 150 000 teńge kólemindegi zalaly men 30 000 teńgege ókildiktiń shyǵyndaryn óteý talaptaryn qanaǵattandyrdy», - delingen sottyń resmı habarlamasynda.
