Astanalyq kólik júrgizýshiler memleketke 2,1 mlrd teńge qaryz
ASTANA. QazAqparat – Astana qalasy boıynsha Memlekettik kirister departamenti Astana qalasynyń polıtsııa basqarmasymen jáne jeke sot oryndaýshylarynyń óńirlik palatasymen birlesip avtokólik quraldary úshin salyq bereshegin óndirip alý boıynsha «Boryshker» jedel-aldyn alý is - sharasy ótkizip jatyr, dep habarlaıdy QazAqparat departamenttiń baspasóz qyzmetine silteme jasap.
Búginde jeke tulǵalardyń kólik quraldaryna salynatyn salyq boıynsha beresheginiń jalpy somasy 2,1 mlrd teńgege jetken.
Reıdtik is-sharalardy ótkizý barysynda 97 mln teńge óndirildi.
«Іs-sharalardy ótkizý barysynda Lexus, Toyota Land Cruiser, Mercedes Benz, Tundra markaly jáne qozǵaltqysh kólemi 4 000 tekshe sm-den asatyn 20-dan astam kólik aıyppul turaǵyna qamaldy», - dedi vedomstvodan.
Aldaǵy ýaqytta is-shara jyl sońyna deıin turaqty túrde jalǵasatyn bolady.
Bul rette kgd.gov.kz saıtynyń jáne «e-Salyq Azamat» mobıldi qosymshalary men ekinshi deńgeıdegi bankter kómegimen qaryzdy tekserýge bolady.
