Astanalyq QazATÝ chempıondardy saltanatty túrde qarsy aldy
ASTANA. 12 shilde. QazAqparat - Búgin Sáken Seıfýllın atyndaǵy Qazaq agrotehnıkalyq ýnıversıtetiniń ujymy Iordanııada ótken Azııa chempıonatynyń jeńimpazy, boksshy Danııar Eleýsinov pen Qazan Ýnıversıadasynyń kúmis júldegeri, balýan Eskarhan Oskanovty saltanatty túrde qarsy alyp, qurmet kórsetti.
Aıta ketken jón, D.Eleýsinov Iordanııanyń Amman qalasynda ótken Azııa chempıonatynyń altyn alqasyn utyp aldy. Al E.Oskanov Tatarstannyń Qazan qalasynda ótip jatqan XXVII Jazǵy ýnıversıadanyń belbeý kúresi saıysynda kúmis medaldy oljalaǵan bolatyn. Sportshynyń ekeýi de bıyl Qazaq agrotehnıkalyq ýnıversıtetin aıaqtap otyr. D.Eleýsinov ýnıversıtettiń ekonomıkalyq fakýltetin támamdasa, E.Oskanov tehnıkalyq fakýltettiń túlegi. Iordanııada ótken Azııa chempıonatynyń taǵy bir altyn alqa ıegeri Mereı Aqshalov ta - osy joǵary oqý ornynyń túlegi.
«Qazaqta «balasy atqa shapsa, atasy úıde otyryp taqymyn qysady» degen sóz bar. Sol sııaqty bizdiń balalarymyz dúbirli dodaǵa túskende, biz de jaı otyra almadyq. Іshteı bokstasyp kúrestik, jeńis tiledik. Sondyqtan bul barsha ýnıversıtet ujymynyń jeńisi dep bilemiz. Negizi, búginde Qazaq agrotehnıkalyq ýnıversıteti ǵylym men bilimniń ortalyǵy bolyp sanalady. Al búgingi jetistikter bizdiń úlken sporttyq áleýeti bar joǵary oqý ornyna aınalǵanymyzdyń dáleli bola alady», - deıdi ýnıversıtet rektory A.Kúrishbaev.
Saltanatty shara barysynda eki sportshyǵa zattaı jáne aqshalaı syılyqtar tabystaldy.
