Astanalyq kásipkerler jańa balabaqsha, mektep salýǵa daıyn – Atameken

NUR-SULTAN. QazAqparat – Elordanyń bıznes qaýymdastyǵy qalada jańa mektep jáne balabaqsha salýǵa daıyn. Bul týraly Nur-Sultan qalasy ulttyq kásipkerler palatasy dırektorynyń mindetin atqarýshy Beısen Jolboldıev málim etti, dep habarlaıdy QazAqparat tilshisi.

«Qaladaǵy orta bilimge qatysty máseleniń biri - mektep tapshylyǵy. Búginde elordada úsh aýysymdy mektepter áli de bar. Osy máseleni sheshý úshin elordalyq bıznes qaýymdastyq, atap aıtqanda kásipkerler jańa balabaqsha, mektep salýǵa daıyn. Onyń ishinde bilim ortalyqtary da bar. Sonymen qatar jeke balabaqshalar men kolledjder jan basyna beriletin qarjynyń kólemin arttyrýdy surap otyr», - dedi Beısen Jolboldıev.

Spıker usynǵan málimetke sáıkes, búginde Nur-Sultanda 149 mektep bar. Onyń 99-y - memlekettik, 43-i - jekemenshik.

Sondaı-aq, 425 balabaqsha jumys istep tur. Onyń ishinde 326-sy - jekemenshik jáne 99-y - memlekettik balabaqsha.

«Oqýshylardy ystyq tamaqpen qamtýdyń eń tómengi quny - 660 teńge. Bul - tek shyǵys, óıtkeni atalǵan somaǵa kiris engizilmegen. Odan bólek, azyq-túlik baǵasynyń jıi ózgeriske ushyrap turatynyn eskerińiz», - deıdi ol.

Aıta keteıik, búgin elordada mektepaldy jáne orta bilim problemalaryna arnalǵan otyrys ótti.

Sharany uıymdastyrýǵa qalalyq ulttyq kásipkerler palatasy jáne bilim basqarmasy uıytqy boldy.