Astanalyq kásipker «Ashyq» mobıldi qosymshasy týraly: Bıznes úshin jaǵdaı jasalǵanyna rızamyn
Osy oraıda QazAqparat tilshisi atalǵan jańashyldyqqa qatysty elordalyq kásipkerdiń pikirin bilgen bolatyn.
«Óz basym «Ashyq» mobıldi qosymshasynyń iske qosylǵanyna qýanyshtymyn. Óıtkeni, karantındik shekteýlerge baılanysty bizdiń bıznes aıtarlyqtaı shyǵynǵa batty. Keshe osy máselege arnalǵan onlaın jıyn ótti, sol jerde biraz suraqtardy ortaǵa salyp, talqyladyq. Aıtar bolsaq, men keshendi basqaramyn. Onda meıramhana, boýlıng jáne karaoke jumys isteıdi. Qazirgi ýaqytta tek qana meıramhana jumys istep tur. Eger «Ashyq» mobıldi qosymshasy arqyly jumys isteýge kóshsek, bizge de jeńil bolady. Osy oraıda memlekettiń bıznes úshin jaǵdaı jasaǵanyna rızamyn», - dedi elordalyq meırhamhana kesheniniń atqarýshy dırektory ıÝrıı Nogaı.
Onyń aıtýynsha, COVID-19 indetimen kúresýdiń jáne adamzatty odan saqtaýdyń durys tásili odan saqtaný jáne aldyn alý.
«Eń bastysy biz, bıznes ókilderi memleket qoıǵan talapqa baǵynýǵa ázirmiz. Eń bastysy jumys isteýge ruqsat berse bolǵany. Sebebi, shyǵyn shash etekten. Demek ortaq ereje qabyldansa ony qabyldaýǵa daıynbyz. Osy oraıda adamzat qaýipsizdigin saqtaı otyryp, sharýany dóńgeletý prıntsıpin men qoldaımyn. Árıne jumys barysynda túrli jaǵdaılarǵa tap bolýymyz múmkin, bul ómir», - deıdi ol.
Eske sala ketsek, elimizdiń úsh qalasyndaǵy kásipkerlik obektilerde «Ashyq» mobıldi qosymshasyn engizý boıynsha ilki joba joba júzege asyryla bastaıdy. Mundaı qujatqa QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov keshe qol qoıǵan bolatyn.
