Astanalyq qarjy polıtsııasy qyzmetkerleriniń 30 paıyzy attestatsııadan ótpeı qaldy
ASTANA. 31 tamyz. QazAqparat - Astana qalasynda qarjy polıtsııasynyń 52 qyzmetkeri aýmaqtyq attestattaý komıssııasynan óte almady.
Bul týraly búgingi baspasóz máslıhatynda Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz hatshysy Gúljanat Qushtarova málim etti.
Onyń habarlaýynsha, jalpy aýmaqtyq attestatsııaǵa 173 maman qatysty. Onyń qorytyndysy boıynsha 13 qyzmetker attestatsııadan bas tartyp, jumystan bosatý týraly aryzdaryn jazdy. 52 qyzmetker atqaratyn laýzymyna saı emes dep tabyldy. Sondyqtan olardyń 22-siniń qyzmeti tómendetilip, 22-sin basqa jumysqa aýystyrý usynyldy. Al 7 qyzmetkerdi jumystan múldem shyǵaryp tastaý jóninde sheshim qabyldandy. «Osylaısha, Astanada qarjy polıtsııasynyń 52 qyzmetkeri aýmaqtyq attestattaý komıssııasynan óte almady. Bul barlyq mamandardyń 30 paıyzyn qurap otyr», - dep atap kórsetti G.Qushtarova.
Aıta keteıik, Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń 173 qyzmetkeri ishinen 97-si attestatsııadan ótti.
