Astanalyq ІT mamandar dezınfektsııa jasaıtyn ámbebap qurylǵy oılap tapty
«Jańa qurylǵy buǵan deıin jyly aıaldamada aprobatsııadan ótti. Qurylǵy «Smart Recirculdtion control» apparattyq-baǵdarlamalyq kesheni dep atalady. Nemese qysqartyp SRC júıesi deýge de bolady. Búgin jańa qurylǵyny mektep kabınetinde synap kórmekpiz. Dezınfektsııa jáne ıonızatsııa jasaıtyn bul qurylǵyny ózimizdiń ІT mamandar 3 aıdyń ishinde jasap shyǵardy jáne oǵan 4 maman qatysty. SRC-tiń keshen dep atalatyn sebebi qurylǵy birneshe fýnktsııany atqarady jáne ol avtomattandyrylǵan. Birinshiden, bólmege dezınfektsııa jáne ıonızatsııa jasaıdy. Ekinshiden, qurylǵyǵa aýdıo jáne beınebaqylaý júıesi ornatylǵan. Úshinshiden, bul júıeni qashyqtan basqarýǵa bolady. ıAǵnı arnaıy adamǵa mindetteýdiń qajeti joq. Biz osylaısha adamı resýrsty azaıtyp otyrmyz», - dedi «It Smart Solutions» ІT kompanııasynyń dırektory Dılıara Tólenova.
Onyń aıtýynsha, atalǵan qurylǵynyń taǵy bir artyqshylyǵy dybyssyz jumys isteıdi. ıAǵnı bólmedegi adamdarǵa kedergi keltirmeıdi. Jáne adamdarǵa dezınfektsııa protsesi kezinde bólmeden shyǵýdyń qajeti joq.
«Bir kabınetke nemese bólmege dezınfektsııa júrgizýge 15-20 mınýt jetedi. Sondaı-aq, atalǵan qurylǵyny iske qosýǵa sanepıdemıologııalyq qyzmettiń ruqsaty bar. Taǵy bir mańyzdy jaıt, biz bul qurylǵynyń avtory retinde patentke ıemiz jáne júıeni baǵdarlamalyq qoldaýǵa da biz quqylymyz», - deıdi ol.
Jańa qurylǵy Nur-Sultan qalasyndaǵy № 2 arnaıy mekteptiń kabınetine ornatyldy. Sol sııaqty keshen avtorlarynyń málimdeýinshe ámbebap qurylǵy vırýstyń 99,9%-ǵa joıýǵa múmkindigi bar.
«Jańa júıeniń tıimdiligin anyqtaý úshin aýqymdy kólemdegi derekterge taldaý jasalyp, qoǵam pikiri eskerilip saýalnama júrgizildi. Sol kórsetkishterdiń negizinde qurylǵyny aprobatsııadan ótkizý úshin ońtaıly oryn elordadaǵy № 2 arnaıy mektep ekenin kórsetti. Bul mektepte densaýlyq jaǵdaıy boıynsha erekshe balalardyń bilim alyp jatqanyn eskerý mańyzdy. Koronavırýspen álem bolyp kúresip jatqanda, óz elimizde osyndaı otandyq júıeniń iske qosylýy oń sheshim dep oılaımyz», - dedi «Astana Innovations» AQ-nyń atqarýshy dırektory Jasulan Kenjeǵalıev.
