Astanalyq ІІD-de Polıtsııa qyzmetin baqylaý jónindegi qoǵamdyq keńes kezekti ret bas qosty
ASTANA. 13 sáýir. QazAqparat - Astana qalalyq Іshki ister departamentinde Polıtsııa qyzmetin baqylaý jónindegi qoǵamdyq keńestiń kezekti otyrysy ótti.
Bul týraly ІІD-niń baspasóz qyzmetinen habarlady.
Qoǵamdyq keńestiń otyrysynda Esil aýdany Іshki ister bólimindegi tártip pen zańdylyqtyń jaǵdaıy, sybaılas jemqorlyqpen, sonyń ishinde óz qatarlaryndaǵy jemqorlyqpen kúres máseleleri, halyqtyń quqyq qorǵaý júıesine degen senimin joǵarylatý máseleleri kóterildi.
Shara barysynda Esil aýdany ІІB-da sybaılas jemqorlyqpen kúres boıynsha atqarylǵan jumystar týraly aqparat bergen basqarma bastyǵy polıtsııa polkovnıgi Serik Amanjolov, sybaılas jemqorlyq pen quqyq buzýshylyqtardy jasaý sebebin anyqtaý jáne joıý boıynsha birneshe usynys bildirdi.
Aıta keteıik, elordalyq departamentte jeke quram arasynda tártip pen zań buzýshylyqtardyń aldyn alý jáne olardy boldyrmaý úshin súbeli jumystar atqarylýda. Qazir aı saıynǵy kestege sáıkes ІІD-niń jeke quramynyń kún tártibin saqtaý boıynsha tekserister júrgizilip turady.
