Astanalyq ІІD Ámbebap polıtseı daıyndyǵyn bastady
ASTANA. 25 sáýir. QazAqparat - Astana qalasynyń Іshki ister departamenti «Ámbebap polıtseı» jobasyn júzege asyrýdy bastady. Bul jaıynda ІІD baspasóz qyzmetinen habarlandy.
Atalǵan joba kúzet jáne jol polıtsııasynyń saptyq bólimshelerin qosý arqyly olardyń ókilettilikterin keńeıtip, qurylymdyq jaǵynan jańartýdy qarastyrady. Bul barlyq qylmystar men tosyn oqıǵalarǵa áp sátte sheshim qabyldaýǵa múmkindik beredi.
«Ámbebap polıtseı» qanatqaqty jobasy Pavlodar jáne Jambyl oblystarynda synaqtan ótti.
astana.kz saıtynyń jazýynsha, qazirgi kezde Kúzet polıtsııasynyń polki daıyndyq is-sharalaryna kirisip, áskerı jáne qyzmettik júıede sabaqtar uıymdastyrylýda.
«Ámbebap polıtseıge» úmitkerlerge joǵary talaptar qoıylady. Astanalyq Kúzet polıtsııasy polkiniń jeke quramymen daıyndyq jóninde pármendi jumystar júrgizilýde. Sonymen qatar, 2013 jyldyń sáýirinen bastap Kúzet polıtsııasy polkiniń qyzmetkerleri ákimdiktiń qoldaýymen avtoortalyq oqý bazasynda 3 aıdyń ishinde jol qozǵalysy erejesi men avtomobıldi tehnıkalyq júrgizý boıynsha tereńdetilgen oqý kýrsynan ótedi» - dep habarlaıdy Astana qalasy ІІD baspasóz qyzmetinen.
