Astanalyq horeografııa akademııasynyń oqýshylary úlken sahnada óner kórsetedi
ASTANA. QazAqparat - 22-28 jeltoqsanda «Astana Balet» teatry Qazaq ulttyq horeografııa akademııasymen birlese otyryp kórermenine alǵash ret Petr Ilıch Chaıkovskııdiń «Jańǵaq shaqqysh» (Şelkýnchık) atty ǵajaıyp ertegi baletin kórsetedi, dep habarlaıdy QazAqparat.
Teatrdyń baspasóz qyzmetiniń habarlaýynsha, atalǵan shyǵarmashylyq jobaǵa 150-den astam akademııa tárbıelenýshileri men 40-qa jýyq teatr ártisteri qatyspaq.
Teatr dırektory Valerıı Kýzembaevtyń aıtýynsha, «Astana Balet» teatrynyń sahnasyna balet Vasılıı Vaınonenniń redaktsııasynda qoıylmaq. Bul spektakl talaı jyl Marıın teatry repertýarynyń kórki bolatyn. Gofmannyń «Jańǵaq shaqqysh pen tyshqan patshasy» atty ertegisiniń jelisimen lıbrettosy jazylǵan úsh kórinisti balet qoıylymyn jasaǵan Qazaq ulttyq horeografııa akademııasynyń rektory Altynaı Asylmuratova.
«Jańǵaq shaqqysh» baletiniń romantıka men sıqyrǵa toly ózindik qoıylymyn Vasılıı Vaınonen 1934 jyly S.M.Kırov atyndaǵy Lenıngrad opera jáne balet teatrynda (Marıın teatry), keıin, 1938 jyly - Úlken teatrda qoıdy. Sodan keıin, bul qoıylym KSRO jáne shet elderdiń kóptegen teatrlarynyń sahnasyna shyǵarylǵan bolatyn. Balette Chaıkovskıı men Petıpa zamanynda bolmaǵan, klassıkalyq bıdiń jańa tehnıkasy qoldanyldy. Horeograftyń naǵyz shedevrine aınalǵan «Aqshaqarlar bıi» kórinisi bolatyn.
Spektakl premerasynda teatr trýppasymen qatar, Horeografııa akademııasynyń oqýshylary da óner kórsetedi. Olar birinshi aktiniń balalar sahnasyn, aqshaqarlar bıin, dıvertısmenttegi qýyrshaqtar bıin oryndap, al, akademııa túlekteri Masha men Hanzadanyń jetekshi partııalaryn oryndap shyǵady. Tálimger-repetıtorlardyń aıtýynsha, ártisterdiń jasy da eresegi de kún-tún demeı daıyndyq júrgizýde.
«Olardyń kóńil-kúıi kóterińki, tipti, jańa jylǵa ata-anasyna barýǵa da asyq emes. Óıtkeni, ǵajaıyp jańa jyldyq kóńil-kúımen qatar, úlken ahnada óner kórsetý, «teatr ómiriniń» dámin seziný - olarǵa shabyt syılap, ónerge degen qyzyǵýshylyqtaryn arttyryp keledi», - deıdi Qazaq ulttyq horeografııa akademııasy kásiptik bilim berý mektep-kolledjiniń jetekshisi Svetlana Kokshınova.
Bıyl «Astana Balet» óz kórermenderine Vasılıı Vaınonenniń áserli de ǵajaıypqa toly ertegi «Jańǵaq shaqqyshty» usynsa, «Astana Opera» teatry atalǵan spektakldi zamanaýı horeograf ıÝrıı Grıgorovıch redaktsııasynda usynbaq.
Barlyq qoıylymdarǵa bıletter aldyn-ala satylyp ketken.
