Astanalyq hokkeıshiler «Sınegorıa» kýbogynda top jardy
KÓKShETAÝ. QazAqparat - Kókshetaý qalasynda Qazaqstan polıtsııasynyń 25 jyldyǵyna oraı shaıbaly hokkeıden jarys ótti, dep habarlaıdy QazAqparat tilshisi.
«Sınegorıa» kýbogy sarapqa salynǵan týrnırde Astana, Temirtaý, Petropavl jáne Kókshetaý qalalarynyń komandalary baq synady.
Aıta keteıik, «Nomad», «Temirtaý» jáne «Arlan» hokkeı komandalary ótken maýsymda júldeger atanǵan bolatyn.
Bul joly fınaldyq oıynda «Arlan» hokkeıshilerin aıqyn basymdyqpen jeńgen astanalyq «Nomad» komandasy týrnır jeńimpazy atandy. Ekinshi orynǵa - «Arlan», úshinshi orynǵa «Temirtaý» komandalary laıyq dep tanyldy.
Týrnır jeńimpazdary men úzdik oıynshylarǵa Aqmola oblystyq ІІD basshylyǵy tarapynan baǵaly syılyqtar men dıplomdar tapsyryldy.
