Astanalyq gımnasshy Sabına Bakatova Mınskidegi halyqaralyq týrnırde kúmis enshiledi
ASTANA. QazAqparat - Astanalyq gımnastshy Sabına Bakatova Olımpıada chempıony Marına Lobachtyń syılyǵy úshin kórkem gımnastıkadan ótken XVI halyqaralyq týrnırde kúmis medal aldy»,- dep habarlaıdy QazAqparat qalalyq mádenıet jáne sport basqarmasyna silteme jasap.
Mınsk qalasyndaǵy (Belarýs) jarysta 10 memlekettiń sportshylary básekege tústi. Atap aıtqanda, Izraıl, Italııa, Qazaqstan, Kıpr, Lıtva, Polsha, Reseı, Ýkraına, Estonııa jáne Belarýs.
Álemdik gımnastıka kúntizbesine engizilgen bul týrnır 2002 jyldan beri ótkizilip keledi. Marına Lobach 1988 jyly Seýl qalasynda kórkem gımnastıkadan Keńes odaǵynyń atynan alǵashqy altyn medal oljalaǵan bolatyn.
Kórkem gımnastıkadan halyqaralyq dárejedegi sport sheberi Sabına Bakatova Astana qalasy ákimdiginiń Mamandandyrylǵan joǵary sport sheberligi mektebiniń shákirti. Aǵymdaǵy jyly sportshy Kýala-Lampýrda Azııa chempıonatynda eki altyn jáne bir qola medal oljalaǵan bolatyn.
