Astanalyq gımnasshy qyz olımpıadalyq lıtsenzııany jeńip aldy
ASTANA. 18 qańtar. QazAqparat - 2012 jylǵy Olımpıada oıyndary qazaqstandyq kórkem gımnastıka sportshysynyń qatysýymen ótedi.
Bul týraly Astana qalalyq Týrızm, dene shynyqtyrý jáne sport basqarmasynyń baspasóz qyzmeti habarlady.
Qańtardyń 16-18 aralyǵynda Londonnyń «Arenadaǵy Soltústik Grınvıchinde» kórkem gımnastıkadan biliktilik synaq jarystary ótip jatyr. Jeke birinshilikte 2011 jyly Frantsııanyń Monpel qalasynda ótken saıysta jeńip shyqqan 25 gımnastıka sheberi óner kórsetedi. Bulardyń arasynda sonymen qatar eńbek nátıjeleri olımpıadalyq biliktilik synaǵyna jatpaıtyn reseılik Evgenııa Kanaeva, Darıa Kondakova, ózbekstandyq Álııa Garaeva sııaqty sportshylar da bar. Olar ózderiniń lıtsenzııalaryn áldeqashan alyp qoıǵan. Sonymen qatar jarysty uıymdastyratyn eldiń sportshysy retinde Francheska Djons ta jarysqa qatysý múmkindigine ıe boldy. Al qalǵan sportshylar 5 olımpıadalyq joldama úshin saıysqa tústi. Olardyń arasynda qazaqstandyq Anna Alıabeva da bar. Osy saıysta qazaqstandyq sportshynyń baǵy janyp, olımpıadalyq letsenzııany jeńip aldy. Osyǵan baılanysty ol bıyl ótetin olımpıada oıyndarynda da óner kórsetetin boldy.
