Astanalyq garaj urlap, metall qabyldaıtyn orynǵa satyp jiberdi
ASTANA. QazAqparat - Astana turǵyny garaj urlap, metall qabyldaıtyn orynǵa satyp jibergen. Bul jaıynda Astana qalalyq sotynyń baspasóz qyzmetinen málim etti, dep habarlaıdy QazAqparat.
«2017 jyldyń 27 qarashasynda azamat «A» manıpýlıator kólik shaqyryp, ishinde tehnıkalar men buryn qoldanylǵan zattar bar metall garajdy tıep áketken. Azamat «A» qylmysyn odan ary jalǵastyryp, garajdy metall qabyldaıtyn orynǵa satyp jibergen. Osylaısha ol garaj ıesine 500 myń teńge somasynda materıaldyq shyǵyn keltirdi», - delingen taratylǵan aqparatta.
Sot barysynda zardap shegýshi tarabynan kelgen shyǵyn tolyqtaı ótelgen.
«Medıatsııa tártibimen mámilege qol jetkizildi. Osyǵan baılanysty Astana qalasy Saryarqa aýdandyq №2 sotynyń qaýlysymen qylmystyq is óndirisi toqtatyldy. Qaýly zańdy kúshine engen joq», - dep atap ótedi qalalyq sottyń baspasóz qyzmeti.
